بے زمین لوگوں کو

بے زمین لوگوں کو
بے قرار آنکھوں کو
بد نصیب قدموں کو
جس طرف بھی لے جائیں
راستوں کی مرضی ہے

بے نشان جزیروں پر
بد گمان شہروں میں
بے زبان مسافر کو
جس طرف بھی لے جائیں
راستوں کی مرضی ہے

روک دیں یا بڑھنے دیں
تھام لیں یا گرنے دیں
وصل کی لکیروں کو
توڑ دیں یا ملنے دیں
راستوں کی مرضی ہے

اجنبی کوئی لا کر
ہمسفر بنا ڈالیں
ساتھ چلنے والوں کی
راکھ بھی اڑا  ڈالیں
یا مسافتیں ساری
خاک میں ملا ڈالیں
راستوں کی مرضی ہے

Be Zameen Logoon Ko
Be Qarar Aankhoon Ko
Bad Naseeb Qadmoon Ko
Jis Taraf Bhi Le Jayein
Raastoon Ki Marzi Hai

Be Nishaan Jazeeron Par
Bad Guman Shehroon Mein
Be Zuban Musafir Ko
Jis Taraf  Bhi Bhatka Dein
Raastoon Ki Marzi Hai

Rok Dein Ya Barrhne Dein
Thaam Lein Ya Girney Dein
Wasal Ki Lakeeron Ko
Torr Dein Ya Milney Dein
Raastoon Ki Marzi Hai

Ajnabi Koi Laa Kar
Humsafar Bana Dalein
Saath Chalney Waloon Ki
Raakh Bhi Urra Dalein
Ya Musaftein Saari
Khaak Mein Mila Dalein
Raastoon Ki Marzi Hai

کمالِ ضبط کو میں خود بھی تو آزماؤں گی

کمالِ ضبط کو میں خود بھی تو آزماؤں گی

میں اپنے ہاتھ سے اُس کی دلہن سجاؤں گی

سپرد کر کےاُسے چاندنی کے ہاتھوں میں

میں اپنے گھر کے اندھیروں میں لوٹ آؤں گی

بدن کے کرب کو وہ بھی سمجھ نہ پائے گا

میں دل میں روؤں گی آنکھوں میں مسکراؤں گی

وہ کیا گیا کہ رفاقت کے سارے لطف گئے

میں کس سے روٹھ سکوں گی کسے مناؤں گی

وہ ایک رشتہِ بے نام بھی نہیں لیکن

میں اب بھی اُس کے اشاروں پہ سر جھکاؤں گی

بچھا دیا تھا گلابوں کے ساتھ اپنا وجود

وہ سو کے اُٹھے تو خوابوں کی راکھ اُٹھاؤں گی

اب اُس کا فن تو کسی اور سے منصوب ہوا

میں کس کی نظم اکیلے میں گنگناؤں گی

جواز ڈھونڈ رہا تھا نئی محبت کا

وہ کہہ رہا تھا کہ میں اُس کو بھول جاؤں گی

سماعتوں میں گھنے جنگلوں کی سانسیں ہیں

میں اب کبھی تیری آواز سُن نہ پاؤں گی

Kamaal-e-Zabt Ko Main Khud Bhi To Aazmaoon Gi

Main Apney Haath Se Us Ki Dulhan Sajaoon Gi

Supurd Kar K Use Chaandni K Hathoon Mein

Main Apney Ghar K Andheroon Ko Laut Aaoon Gi

Badan K Karb Ko Wo Bhi Samajh Na Paye Ga

Main Dil Mein Roun Gi Aankhon Main Muskuraoon Gi

Woh Kya Gaya K Rafaqat K Sarey Lutf Gaye

Main Kis Se Rooth Sakoon Gi Kisey Manaoon Gi

Wo Aik Rishtaa-e-Benaam Bhi Nahi Laikin

Main Ab Bhi Us Ke Ishaaron Pe Sar Jhukhaoon Gi

Bichaa Diya Tha Gulaboon K Saath Apna Wajood

Wo So Ke Uthey To Khwaboon Ki Raakh Uthaoon Gi

Ab Us Ka Fann To Kisi Aur Se Mansoob Huwa

Main Kis Ki Nazm Akeley Mein Gungunaoon Gi

Javaz Dhoondh Raha Thaa Nayi Muhabbat Ka

Wo Keh Raha Tha K Main Uss Ko Bhool Jaoon Gi

Samaatoon Mein Ghanay Jangaloon Ki Saansein Hein

Main Ab Kabhi Teri Awaz Sun Na Paoon Gi